اليوم خرجت من المستشفى بعد جلطه قلبيه والحمدلله…ماريكم بالثوم والليمون يا اخوان

اسعد الله اوقاتكم بكل خير ومبارك عليكم الشهر تقبل الله منا ومنكم صالح الاعمال بقولكم سالفتي ولاتنسوني من الدعاء وياليت تنصحوني بالشيء المفيد وتاخ\ون العبره

اعاني من ارتفاع السكر بشكل طفيف والتراكمي عندي 7 وكذلك الضغط كلها من سنتين واستخدم ادوية الضغط ومنظم السكر وكل الامور ماشيه تمام وكل بعد يومين اروح اقيس الضغط وجهاز السكر عندي بالبيت اقيسه كل يوم كنت سابقا ادخن ولا اكل الدهون وامارس بعض الاحيان المشي ووزني طبيعي
المهم
قبل اسبوع احسست بحرقان لايحتمل بالصدر ذهبت للمستوصف الي بجنب البيت وعمل لي تحليل جرثومة المعده وتخطيط للقلب وقالي تخطيط القلب سليم ومعك جرثومه بالمعده
واعطاني ادويه للجرثومه مضادات حيويه مع نكسيم
من بكره زاد الحرقان عندي بشكل غير طبيعي مع تعرق ودوخه ذهبت للمستشفى مع ولدي ودخلت على استشاري قلب فقال لي : انا بسوي لك الفحوصات المختصه لي كطبيب قلب واذا مالقيت فيك شي احولك على دكتور جهاز هضمي ربما يكون من الجرثومه بالمعده
عمل لي اشعه صوتيه ايكو للقلب وتخطيط للقلب فاخبرني ان كل الامور سليمه لكن لابد من تحليل لانزيمات القلب عملت التحليل وقالوا بعد ساعتين تطلع النتيجه فطلبت من ولدي ان نروح البيت وبكره يجيب النتيجه
وداني البيت وهو الله يحفظه قال لازم اروح اطلع النتيجه يوم اخذ النتيجه سالته الممرضه هذا التحليل حق من قال لوالدي قالت لابد انادي الدكتور ونادته وقال اسمع ابوك وينه قال بالبيت قال الان ودوه المستشفى الانزيمات للقلب مرتفه اضعاف مضاعفه
جاني الولد وووداني لطوارى احد المستشفيات ويوم وريناهم التخطيط والاشعه وتحليل الانزيمات تجمعوا علي وقالوا لابد الان تدخل ونعيد لك التحليل وفعلا اعادوه لي التحليل وطلعت مرتفعه اعطوني مايقارب ال 7 حبات اسبرين قالوا يالله ابلعها
دخلوني على مركز القلب ومن بكره سووا لي قسطره وقالوا عندك انسدادات بالشرايين وركبوا لي بالون وبالمراجعه الجايه نفحصك من جديد وممكن نعمل لك قسطره ثانيه
الخلاصة
يا اخوان اهتموا بصحتكم واذا عانيتوا من الالام بالصدر اعملوا تخطيط للقلب وتحليل لانزيمات القلب عشان تكتشفون المرض بدري
وياليت الي سمع عن خلطة الليمون والثوم يقولي عليها سمعت انها ممتازه لانسداد الشرايين
ولاتنسوني من دعائكم

from هوامير البورصة السعودية http://ift.tt/2t7MTQW
via hawamer

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s